കണ്ണാരം പൊത്താൻ

കണ്ണാരം പൊത്താനെത്തും കൈതപ്പൂങ്കാറ്റേ..
കാതോരം ചൊല്ലിത്തന്നാൽ കൂടെക്കൂട്ടാമോ.. (2)
കളിവാക്കു പറഞ്ഞു നടന്നീടാം
കുനുക്കുന്നിൽ ചാടിക്കേറീടാം...
കഥ പതിവായ് ചൊല്ലിത്തന്നീടാം
താഴേയ്ക്ക് പറന്നീടാം....  
കണ്ണാരം പൊത്താനെത്തും കൈതപ്പൂങ്കാറ്റേ..
കാതോരം ചൊല്ലിത്തന്നാൽ കൂടെക്കൂട്ടാമോ..

നീലക്കടലോരം തേടിപ്പോകും തിരയുടെ താളത്തിൽ
തൂവഞ്ചി തുഴഞ്ഞുതുഴഞ്ഞാ ദൂരം തേടുന്നേ...
ആകാശക്കൊട്ടാരത്തെ തൊട്ടുതലോടാനാണല്ലോ
കാർമേഘപ്പഞ്ഞിക്കൂട്ടം ഒന്നായോടുന്നേ ...
അരയാൽ തേടിനടന്നീടാം ..
ഒരുപിടി നേരമിരുന്നീടാം
അഴകേറും കാഴ്ചകൾ കണ്ടീടാം..
ദൂരേയ്ക്കു പറന്നീടാം....
കണ്ണാരം പൊത്താനെത്തും കൈതപ്പൂങ്കാറ്റേ..
കാതോരം ചൊല്ലിത്തന്നാൽ കൂടെക്കൂട്ടാമോ..

കൂമ്പാളത്തൊപ്പിയണിഞ്ഞൊരു വല്യപ്പൻ കളമുഴുതുമ്പോൾ
കോലോത്തെ വല്യമ്പ്രാനും ഒപ്പം ചേരുന്നേ...
ആമാടപ്പെട്ടിയുമായി അന്തിച്ചോപ്പു മടങ്ങുമ്പോൾ
പാടത്തെ മാടപ്രാവുകളക്കര തേടുന്നേ...
രാക്കിളി പറയും കഥകേൾക്കാം...
രാവിൻ മടിയിൽ മയങ്ങീടാം...
പുലരിപ്പെണ്ണു വരുംന്നേരം കുളിരോടെ പറന്നീടാം...

കണ്ണാരം പൊത്താനെത്തും കൈതപ്പൂങ്കാറ്റേ..
കാതോരം ചൊല്ലിത്തന്നാൽ കൂടെക്കൂട്ടാമോ..
കളിവാക്കു പറഞ്ഞു നടന്നീടാം
കുനുക്കുന്നിൽ ചാടിക്കേറീടാം...
കഥ പതിവായ് ചൊല്ലിത്തന്നീടാം
താഴേയ്ക്ക് പറന്നീടാം....  

* Lyrics provided here are for public reference only. Copying and posting lyrics from M3db to other similar websites is strictly prohibited. Lyrics are subject to copyright @ M3DB.COM