രാഗവതീ അനുരാഗവതി

രാഗവതീ.......അനുരാഗവതീ..... 
അനഘപുഷ്പ്പങ്ങൾ വിരിഞ്ഞൂ 
പൂക്കളിൽ സോമരസം നിറഞ്ഞൂ 
രാഗവതീ......അനുരാഗവതീ.....

ധീം ധന ധീം ധന........ആ.....ആ ...ആ

തഴുകുന്തോറും തുളുമ്പും താരുണ്യം 
തരളിതമാക്കുമീ ശയ്യാതലം....ആ..ആ 
പകരുന്തോറും നുരയും യൗവ്വനം 
കാമനെഴുതിയ കാവ്യാമൃതം 
അനുഭവിച്ചും തമ്മിലാസ്വദിച്ചും 
എത്ര നിശീഥങ്ങൾ പങ്കുവച്ചു 
രാഗവതീ.....അനുരാഗവതീ....

സ നി ധ മ ഗ മ ധ നി...........
ഗ മ ഗ മ ധ നി...................

ഉണരുന്തോറും പൂക്കും പുളകം 
പൂ വാരി പൂകുമിനി സ്വപ്നതീരം.ആ...ആ 
ചൊരിയുന്തോറും നിറയും മധുരം 
ധമനികൾക്കേകുമീ തപ്തദാഹം 
കാണുവാൻ കരൾ തേങ്ങിനിന്നൂ 
എത്ര നിശ്വാസങ്ങൾ കൊഴിഞ്ഞുവീണു 

രാഗവതീ......അനുരാഗവതീ.......
രതിലോലലോലയാം ഉന്മാദിനീ...
ഉണരും മദഹരലഹരിയിലായിരം 
അനഘപുഷ്പ്പങ്ങൾ വിരിഞ്ഞൂ 
പൂക്കളിൽ സോമരസം നിറഞ്ഞൂ 
രാഗവതീ......അനുരാഗവതീ.....