അല്ലിയാമ്പൽ പൂവുകളേ
അല്ലിയാമ്പല്‍ പൂവുകളെ
അര്‍ദ്ധനഗ്നഗാത്രികളേ
നിലാവിന്റെ നീന്തല്‍പ്പൊയ്കയില്‍
നീരാടും തോഴികളെ
(അല്ലിയാമ്പല്‍ ....)
നിങ്ങടെ കടവില്‍ ചന്ദനപ്പടവില്‍
ഞങ്ങള്‍ക്കു കുളിയ്ക്കാനിടമുണ്ടോ
നിങ്ങടെ കയ്യിലെ കുളിരിലക്കുമ്പിളില്‍
ഞങ്ങള്‍ക്കു ചൂടാന്‍ പൂവുണ്ടോ
ഞങ്ങള്‍ക്കു ചൂടാന്‍ പൂവുണ്ടോ
(അല്ലിയാമ്പല്‍ .....)
മാറില്‍ നിങ്ങള്‍ വാരിച്ചുറ്റിയൊ-
രീറന്‍ പൂഞ്ചേലാ
മാറിയുടുക്കാന്‍ ഞങ്ങള്‍ക്കു തരുമോ
മഞ്ഞിന്റെ പൂഞ്ചേല
നിങ്ങടെ കുടിലില്‍ വള്ളിക്കുടിലില്‍
ഞങ്ങള്‍ക്കുറങ്ങാനിടമുണ്ടോ
നിങ്ങടെ കയ്യിലെ മുത്തുക്കുടങ്ങളില്‍
ഞങ്ങള്‍ക്കു കുടിയ്ക്കാന്‍ തേനുണ്ടോ
ഞങ്ങള്‍ക്കു കുടിയ്ക്കാന്‍ തേനുണ്ടോ
(അല്ലിയാമ്പല്‍ .....)
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
(1 vote)
Alliyaambal poovukale
Additional Info
ഗാനശാഖ: