കുപ്പായക്കീശമേൽ കുങ്കുമപ്പൊട്ടുകണ്ടു

കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി - എന്റെ
കൂട്ടുകാരിന്നെന്നെ കളിയാക്കി
കിളിവാലൻ മുടിയ്ക്കുള്ളിൽ കുടമുല്ലപ്പൂവു കണ്ടു
കളിത്തോഴന്മാർ കഥയുണ്ടാക്കി 
കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി

കണ്ണിതിൽ സുന്ദരവാസരസ്വപ്നങ്ങൾ തൻ
കളിയാട്ടം കണ്ടവർ കളിയാക്കി 
സംഗീതമറിയാതെൻ ചുണ്ടുകൾ മൂളിയപ്പോൾ
സങ്കല്പകാമുകനെന്നവർ വിളിച്ചു - എന്നെ
സങ്കല്പകാമുകനെന്നവർ വിളിച്ചു 
കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി

ഉദ്യാനവീഥികളിൽ ഒറ്റയ്ക്കു നടക്കുമ്പോൾ
ചുറ്റിനും വന്നവർ ചിരിമുഴക്കി 
താഴത്തു വീണൊരു പട്ടുറുമാലെടുത്തു
തീരാത്ത ചോദ്യശരമവരെയ്തു 

കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി - എന്റെ
കൂട്ടുകാരിന്നെന്നെ കളിയാക്കി
കിളിവാലൻ മുടിയ്ക്കുള്ളിൽ കുടമുല്ലപ്പൂവു കണ്ടു
കളിത്തോഴന്മാർ കഥയുണ്ടാക്കി 
കുപ്പായക്കീശമേൽ കുങ്കുമപ്പൊട്ടുകണ്ടു
കൂട്ടുകാരിന്നെന്നെ കളിയാക്കി

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kuppaayakkeeshamel

Additional Info

അനുബന്ധവർത്തമാനം