മാനത്തൊരു കാവടിയാട്ടം

മാനത്തൊരു കാവടിയാട്ടം
മാലക്കാവടിയാട്ടം
മനസ്സിൽ താരുണ്യത്തിൻ
മാദകമാം തിരനോട്ടം
മാനത്തൊരു കാവടിയാട്ടം
മാലക്കാവടിയാട്ടം

താഴത്തു - ഓഹോ താഴത്ത്
കാറ്റിന്റെ താളമേളം - മേളം
ചാരത്തു തരംഗത്തിൻ ചൊല്ലിയാട്ടം - ആട്ടം
സാഗരമാം സുന്ദരിയിന്നൊരു
സൗന്ദര്യധാമം - ധാമം
നീലച്ചവാനത്തിനു മൂകപ്രേമം - പ്രേമം
പ്രേമം - പ്രേമം
(മാനത്തൊരു...)

വാരിധി ആഹാഹാ വാരിധി
നീയൊരു രാജകുമാരി
വാ തുറന്നാൽ മുത്തുവീഴും രാജകുമാരി
ദൂരദൂരചക്രവാളം നിന്റെ കൊട്ടാരം
പാരിജാതവാടിയിലെ പവിഴക്കൊട്ടാരം

മാനത്തൊരു കാവടിയാട്ടം
മാലക്കാവടിയാട്ടം
മനസ്സിൽ താരുണ്യത്തിൻ
മാദകമാം തിരനോട്ടം
മാനത്തൊരു കാവടിയാട്ടം
മാലക്കാവടിയാട്ടം