കല്ലുവെട്ടാംകുഴിക്കക്കരെ നിന്നുടെ

കല്ലുവെട്ടാംകുഴിക്കക്കരെ നിന്നുടെ
വെള്ളിവളക്കിലുക്കം നിന്റെ
വെള്ളിവളക്കിലുക്കം - പിന്നെ
പുള്ളിക്കുയിലിന്റെ കൊഞ്ചലു പോലൊരു
പെണ്ണിന്റെ മൂളക്കം - ഒരു പഞ്ചാരമൂളക്കം (കല്ലുവെട്ടാം...)

കേട്ടിട്ടടുത്തു വന്നു കുറെ
നാട്ടുകിസ്സ പറഞ്ഞു പിന്നെ
കാട്ടുമുളംകിളി പോലെ നീയെന്നുടെ
ഖൽബിൽ കൂടണഞ്ഞു - എന്നുടെ
ഖൽബിൽ കൂടണഞ്ഞു
ഇണക്കുയിലേ ഒരിക്കലും നീ മറക്കരുതേ

പട്ടാമ്പിപ്പുഴക്കെട്ടുകൾ ചന്ദ്രിക
പട്ടു വിരിക്കുമ്പോൾ - പൂ
മ്പട്ടു വിരിക്കുമ്പോൾ
എത്തറയെത്തറ രാവുകൾ നാമത്‌ മെത്തയാക്കിക്കഴിച്ചു - മലർ
മെത്തയാക്കിക്കഴിച്ചു
(പട്ടാമ്പിപ്പുഴ...)

എത്ര കനവു കണ്ടു പിന്നെ
എത്രകരളു നൊന്തു
എന്നെ കാത്തിരിക്കേണം
മരിക്കും വരേയ്ക്കുമെന്നോതി
ഞാൻ നാടുവിട്ടു -ഓതി ഞാൻ നാടു വിട്ടൂ
തിരിച്ചു വരും കൊതിച്ചു വരും ചതിക്കരുതേ
(കല്ലുവെട്ടാംകുഴി...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
3
Average: 3 (1 vote)
Kalluvettamkuzhi

Additional Info

അനുബന്ധവർത്തമാനം