കെട്ടഴിഞ്ഞ വാർമുടി

കെട്ടഴിഞ്ഞ വാർമുടി തന്നലകളിൽ
വേങ്ങമലർ ഹോമധൂപ സൗരഭം
ചെന്താമര തൻ കർണ്ണിക മേലേ
മരുവുന്ന വാർത്താളീ വാ (കെട്ടഴിഞ്ഞ...)

ഇന്ദ്രനീലക്കല്ലിൻ നിറമാർന്നവളേ
വരമഞ്ഞൾ വെന്ത ധൂമം പൂശുവോളേ
ആപാദചൂഡം ഞാൻ നിന്നെ സ്തുതിക്കാം
ഹോമാഗ്നിയാൽ പൂജിക്കാം (കെട്ടഴിഞ്ഞ...)

രാത്രി തൻ ദാഹം തീരുകില്ലല്ലോ
ജ്ഞാനമന്ത്രങ്ങൾ മായുകില്ലല്ലോ
മുടി വിതിർത്തു മിഴി തുറന്നു കൈകളിൽ
അഭയവരദ മുദ്രയേന്തി വരിക നീ
ആനന്ദ ചിന്താമണീ (കെട്ടഴിഞ്ഞ...)