കൊണ്ടോട്ടീന്നോടി വന്ന്

കൊണ്ടോട്ടീന്നോടി വന്ന്
കെസ്സുപാട്ടിൻ കുട്ടിസ്സഞ്ചി
കിലുകിലെ കിലുക്കണ
കാറ്റേ - നീയ്യ്
ബദറുൽ‌മുനീറിന്റെ കിസ്സ പാടിത്തരാമെങ്കില്
ബിരിയാണി
വെച്ച് തരാം കാറ്റേ

(കൊണ്ടോട്ടി)

അന്തം ഇല്ലാത്ത കത്ത്
എന്തിന്നെനിക്കയച്ച്
പ്രേമപ്പിരാന്തിലാക്കി എന്നെ - നിന്റെ
തേനായ
മൊഹബ്ബത്തിൻ തെളിതെക്കിത്തന്നിട്ടെന്റെ
പിരിശത്തിൽ കുടിപ്പിക്ക് പെണ്ണേ

മറിമായം നീ കാട്ടരുതെന്റെ
മറിമാൻ‌മിഴിയെ മധുമൊഴിയെ

(കൊണ്ടോട്ടി)

പൊന്നും പണവുമില്ല പൊങ്ങച്ചസ്സഞ്ചിയില്ല
മഹറായിത്തരാമെന്റെ ഖൽബ് -
നിന്നെ
കാന്യേത്തും കഴിച്ചു നിൻ വീട്ടിൽ കൂടാനണയുന്ന
നാളും
കാത്തിരിപ്പാണു പൊന്നേ
ചെമ്പകമെയ്യാം മെഹബൂബാ നീ
തുമ്പമകറ്റിയൊരിമ്പം തായോ

(കൊണ്ടോട്ടി)