കണ്ണാടിപ്പൂഞ്ചോല

കണ്ണാടിപ്പൂഞ്ചോലച്ചില്ലോളം തുള്ളും
നിൻ കണ്ണാലെ നുള്ളുന്നു നീ
എൻ മനമാകും പൊൻ‌മലർനാളം (2)
ആരോരും കാണാതെൻ ആത്മാവിൽ
ഞാൻ ചൂടും ആരാമരോമാഞ്ചമേ
നിൻ തിരുബിംബം മനസ്സിനൊരിമ്പം (2)

നീലാകാശംപോലെ സുന്ദരം നിൻതിരുമിഴികൾ
മേഘമാലകൾ നിത്യമോഹരാജികൾ
സ്വർണ്ണപ്പൂത്താലത്തിൽ നിർമ്മാല്യ-
പ്പൂവായെൻ‍ മുന്നിൽ നീ വാ...
തെന്നലിന്റെ തേരിലേറി വാ... (2)
(കണ്ണാടി.. )

ഇന്ദ്രനീലക്കല്ലുമോതിരം നിൻ തളിർവിരലിൽ
ചൂടുവാൻ മോഹം എനിക്കേറിയെങ്കിലും
മറ്റാരും കാണാതെൻ നാണത്തിൻ
പൂ നുള്ളാൻ വാ വാ നീ വാ
ഇന്നു രാവിലെന്നടുത്തു വാ (2)
(കണ്ണാടി.. )