വാനമ്പാടി ഏതോ

വാനമ്പാടീ ഏതോ തീരങ്ങൾ തേടുന്ന
വാനമ്പാടീ പോരൂ കാടെല്ലാം പൂത്തു
മധുകര മൃദുരവ ലഹരിയിലലിയുക
മദകര സുരഭില മധുവിതിലൊഴുകുക നീ
വാസന്ത കേളീനൗകയായ്

(വാനമ്പാടീ)

ആലോലം പാടിവരൂ
കുളുർ മാലേയം ചാർത്തി വരൂ
ചിറകുകളാൽ തിരിയുഴിയൂ സ്വരജതികൾ പാടി
ഈ മണ്ണിൻ ലാവണ്യസ്വപ്നം ചൂടി നീയാടൂ
ജീവന്റെ ലീലാലാസ്യം - പാടൂ പാടൂ

(വാനമ്പാടീ)

തേന്മാവിൻ കിങ്ങിണികൾ
നറു തേനൂറും പൊൻ‌മണികൾ
നുകരുക നീ, പകരമിനി സ്വരമധുരം നൽകൂ
മോഹങ്ങൾ പൊന്മാനായോടും തീരം
സ്നേഹത്തിൻ മൺ‌വീണ പാടും തീരം
കാണാം - താഴെ (വാനമ്പാടീ)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Vanambadi etho

Additional Info

അനുബന്ധവർത്തമാനം