ടി പി ശാസ്തമംഗലം
1970കളുടെ ഒടുവിലാണ് ടി പി ശാസ്തമംഗലം സിനിമാഗാന നിരൂപകൻ/ വിമര്‍ശന രംഗത്തേക്ക് വരുന്നത്. 'രാഷ്ട്രപ്രഭ' എന്ന ആനുകാലികത്തിലായിരുന്നു ആദ്യ ലേഖനം വരുന്നത്, വളരെക്കുറച്ച് കോപ്പികള്‍ മാത്രമുള്ള ഇതിലെ ലേഖനമെഴുത്ത് പലരുടെയും ശ്രദ്ധയില്‍പ്പെട്ടു.മാധ്യമപ്രവര്‍ത്തകരായ എസ്.ജയച്ചന്ദ്രന്‍ നായരുടെയും എന്‍.ആര്‍.എസ്.ബാബുവിന്റെയും നിർദേശ പ്രകാരം 'ഫിലിം മാഗസിനു' വേണ്ടി എഴുതി കൊണ്ട്‌ ആണ് മുഖ്യധാരയിലേക്ക് എത്തുന്നത്‌. ഗാനവിമര്‍ശനം ഒരു എഴുത്ത് ശാഖയായി മലയാളത്തില്‍ തുടങ്ങിവെച്ചത് ടി പി ശാസ്തമംഗലം ആണ്, കഴിഞ്ഞ 35 വര്‍ഷത്തിലേറെയായി ഗാനവിമര്‍ശനം തുടര്‍ച്ചയായി എഴുതുന്ന മലയാളത്തിലെ ഏക ഗാനവിമര്‍ശകനാണ്.
അദ്ദേഹത്തിന്‍െറ ഗാനപഠനങ്ങള്‍ 'കാവ്യഗീതിക' എന്ന പേരിൽ പുസ്തകം ആയി. മലയാളഗാനലോകത്തിലെ മുത്തുകളായ 100 പാട്ടുകള്‍ തെരഞ്ഞെടുത്ത് അതിനുള്ള ആസ്വാദനമാണീ പുസ്തകം,ഒപ്പം ഒരു ലളിതഗാനം കൂടി ഉള്‍പ്പെടുത്തിയിട്ടുണ്ട്. ചലചിത്രഗാനങ്ങള്‍ നിരര്‍ത്ഥ ശബ്ദങ്ങളായി മാറിയിരിക്കുന്ന ഇക്കാലത്ത് ഗാനങ്ങളുടെ ശക്തിയും കാവ്യഭംഗിയും ഓര്‍മ്മപ്പെടുത്താനുള്ള ശ്രമം തികച്ചും അര്‍ത്ഥപൂര്‍ണ്ണം തന്നെ.
ഫുഡ്‌കോര്‍പ്പറേഷന്‍ ഓഫ് ഇന്ത്യയിലെ ഔദ്യോഗിക ജീവിതത്തില്‍നിന്ന് ഈയിടെ വിരമിച്ചു.