ദൈവമേ നിൻ തിരുമുമ്പിൽ -സണ്ണി ജോർജ്ജ്

ദൈവമേ നിൻ തിരുമുമ്പിൽ നന്ദി ചൊല്ലുന്നു
സ്നേഹമോടീ ബലിവേദി വിട്ടു പോകുന്നു
എൻ ഭവനം തന്നിലായ് ഞാനണഞ്ഞിന്ന്
എൻ കടമകൾ നിറവേറ്റാൻ തുണയേകിടു

ഇനിയുമീ ദേവാലയമതിനുള്ളിൽ
ബലിയർപ്പകനായ് അണയാൻ കഴിഞ്ഞില്ലെങ്കിൽ
ഇന്നീ ബലിയിൽ നീ നൽകിയൊരനുഗ്രഹങ്ങൾ
ഓർത്തു ഞാൻ നന്ദിയോടെ യാത്രയാകുന്നു..

അനുദിനം ബലികളിൽ നിൻ മഹാ യാഗം
ഓർക്കുവാൻ എന്നെ നീ യോഗ്യനാക്കണേ
നിൻ മാംസ രക്തങ്ങൾ എൻ അന്തരാത്മാവിൽ
ജ്വാലയായ് വിളങ്ങുവാൻ ഇടയാക്കണേ