രാവിനിയും ബാക്കി

രാവിനിയും ബാക്കി ഈ രാവിനിയും ബാക്കി
സാഗരതീരത്ത് സഖി നിന്നെ കാത്ത്
ഞാനിരിപ്പൂ ഏകനായി
(രാവിനിയും ബാക്കി...)

കൂടണയാൻ കിളി കൂട്ടം യാത്രയായ്
കൂട്ടു തരാൻ തിരമാല മാത്രമായ്
വരുമെന്നു പറഞ്ഞില്ലേ വാക്കന്നു തന്നില്ലേ (2)
(രാവിനിയും ബാക്കി...)

കടവത്തെ തോണിയും അകന്നു പോയ്
കരയിലെ തിരിയും അണഞ്ഞു പോയ് (2)
കഥയൊക്കെ മറന്നുവോ കാമനയും തീർന്നുവോ
(രാവിനിയും....)

ഒടുവിലാ ചന്ദ്രനും മറഞ്ഞു പോയ്
ഒരു തിര വന്നെന്നെ ക്ഷണിച്ചു പോയ് (2)
വരവൊന്നും കണ്ടില്ല വെളിച്ചവും വന്നീലാ (2)
(രാവിനിയും....)