രാരിരം പാടിയുറക്കാൻ

രാരിരം പാടിയുറക്കാൻ..താലോലമാട്ടിയുറക്കാൻ
അരുതെന്ന് ചൊല്ലുമോ നീ വിണ്ണിലെ രാജകുമാരാ (2)

വാനിലെ മാലാഖമാരൊന്നായ്
പാടിക്കളിക്കേണ്ടൊരുണ്ണിയല്ലേ
തൂമഞ്ഞിൻ വിരിപ്പും ചൂടിയീപ്പാരിൽ
മെല്ലേയുറങ്ങുമീ ഓമനപ്പൈതൽ (2)
(രാരിരം പാടിയുറക്കാൻ )

ഈണം തകർന്നൊരു തംബുരുവിൽ
ഇടറുന്ന സ്വരധാരയിൽ ഉയരും (2)
താരാട്ട് കേൾക്കാൻ അരുതെന്ന് ഉണ്ണീ നീ
ചൊല്ലീടുമോ വിണ്ണിൻ പൂമണി മുത്തേ (2)
(രാരിരം പാടിയുറക്കാൻ )