ഒരു നിഴലിനെ മെല്ലെച്ചിരിപ്പിക്കും

 

ഒരു നിഴലിനെ മെല്ലെച്ചിരിപ്പിക്കും
നറുനിലാവിന്റെ രശ്മിയായ് വന്നു നീ
മലർനുരകളാലീ മണൽ ശയ്യയെ
കുളിരണിയിക്കും കുഞ്ഞലച്ചാർത്തു നീ

പവിഴമല്ലികൾ പൂക്കും മണവുമായ്
പടി കടന്നു വരും കുളിർത്തെന്നൽ നീ
വയലിൻ തപ്തമാം നഗ്നവക്ഷസ്സിലേ
ക്കൊഴുകി വരും നവവർഷ ബിന്ദു നീ

തരളമാം നിൻ തരളാംഗുലികളെൻ
ഹൃദയതാമര മെല്ലെ തഴുകവേ
മധുകരങ്ങൾ പോൽ മൂളിപ്പറക്കുമെൻ
ശിഥില ചിന്തകൾ നീയറിയുന്നുവോ