ഒഫീലിയാ ഒഫീലിയാ

 

ഒഫീലിയാ ഒഫീലിയാ
ഒരു ഹൃദയത്തിൻ പൂപ്പാലികയിൽ
നിറയും സുവർണ്ണ ദാലിയാ
നീയൊരു സുവർണ്ണ ദാലിയാ
നിർമ്മലമെന്നനുരാഗത്തിൻ കഥ
എങ്ങനെ പറയേണ്ടൂ നിന്നോടെങ്ങനെ
ഞാൻ പറയേണ്ടൂ

വിണ്ണിൽ നിന്നൊരു പൊന്നിൻ താരക
എന്നെ വിളിക്കും പോലെ
മഞ്ജുരശ്മികളാകും മലരുകൾ
എൻ നേർക്കൊഴുകി വരുന്നു
നിന്നനുരാഗം പോലെ
എന്റെ കിനാവുകൾ പോലെ

കൺ തിരുമ്മിയുണർന്നു ചിരിച്ചൂ
കുഞ്ഞു ലില്ലിപ്പൂക്കൾ
മഞ്ഞല ചിന്നിയ രാവിൽ നിലാവിൽ
മഞ്ജിമയലിയുകയായീ
എന്നനുരാഗം പോലെ
നിൻ മൃദുഹസിതം പോലെ