മലർവള്ളികളേ

 

മലർവള്ളികളേ പ്രിയതരചന്ദന
തരുവരർ തൻ മണവാട്ടികളേ
മാനുഷസ്ത്രീകൾ ഞങ്ങളേക്കാളെത്ര
ഭാഗ്യശാലിനികൾ നിങ്ങൾ
ഭാഗ്യശാലിനികൾ

ഇഷ്ടതരുവരർ നിങ്ങൾക്കരികിൽ
നിൽ;പൂ സംഗമലോലർ
നിത്യസംഗമലോലർ
തമ്മിലുരുമ്മിപ്പുണരുമ്പോളാ
നിർവൃതി പൂവുകളാവുന്നു
മർമ്മരമായുതിരുന്നു കാറ്റിൻ
നർമ്മമധുമൊഴികൾ

തപ്തമാനസർ ഞങ്ങൾക്കുള്ളിൽ
കത്തും വിരഹവിഷാദം
നിത്യവിരഹവിഷാദം
ഒന്നു മുകർന്നു മറഞ്ഞൊരു കാറ്റിനെ
എന്തിനു വെറുതെ തിരയുന്നു
കൺകളിൽ വീണുടയുന്നു കിനാവിൻ
മഞ്ഞുനീർമണികൾ