ഇനിയും ഉറങ്ങിയിട്ടില്ല കണ്ണൻ

ഇനിയും ഉറങ്ങിയിട്ടില്ല കണ്ണൻ
മാറിൽ വനമാല വാടിയിട്ടില്ല
കുളിരിലും  വിയർക്കയാൽ ഹരിചന്ദനത്തിന്റെ
നനവുമുണങ്ങിയിട്ടില്ല രാധേ
മതിയനുരാഗ വിരോധം

മൃതിജിത മദഗജ മത്തമരാള വിലാസമിതംബിണി നീ
ഗമനവിളംബനമരുതിനി മമസഖീ ചെല്ലുക ചെല്ലുക നീ
ഇനിയും ഉറങ്ങിയിട്ടില്ല കണ്ണൻ

പാദസരങ്ങളും കൈവളയും മാറ്റി
താമരവളയം കൊണ്ടലങ്കരിക്കൂ
രാത്രിയല്ലേ നീല നേർത്ത നിലാവില്ലേ
നീല നിചോളം പുതച്ചു ചെല്ലൂ
താംബൂലവല്ലിതളിർക്കുടിലിൽ
വേണുഗാനവിലോലനെ കാണ്മൂ
രാധേ മതിയനുരാഗവിരോധം
രാധേ മതി മതി രാഗവിരോധം

കിസലയശയന കളേ കുരുകാമിനീ
ചരണനളിനവിനിവേശം
തവപദപല്ലവവൈരിപരാഭവ മിതമനുഭവ കുസുവേഷം
ഇനിയും ഉറങ്ങിയിട്ടില്ല കണ്ണൻ

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Iniyum urangiyittilla kannan

Additional Info

അനുബന്ധവർത്തമാനം