അമ്പിളിക്കലയൊരു

ഉം...ഉം..ഉം..ഉം..

അമ്പിളിക്കലയൊരു നൊമ്പരപ്പാടോ
അംബര ചെരിവിലെ അൻപിന്റെ കൂട്
നെഞ്ചിലെ ചിലമ്പുന്ന പൊൻ ചിലങ്കേ
കൊഞ്ചുവാൻ മറന്നത് നീയറിഞ്ഞോ (അമ്പിളി..)

കരളിലെ കനലിൽ വസന്തങ്ങൾ കരിഞ്ഞൂ
കിളി പറന്നകന്നോ കൂടറിയാതെ (2)
പിരിയുമ്പോൾ നക്ഷത്ര മിഴി നിറയും (2)
സ്വപ്നങ്ങൾ എന്നിനി തിരികെ വരും ( അമ്പിളി..)

മനസ്സിലെ മോഹത്തിൻ മാലാഖ നീയൊരു
മുകിലോ മുത്തോ കണി കണ്ടുണരും (2)
മുകിലെങ്കിൽ മാറത്തു പെയ്തൊഴിയും (2)
മുത്തെങ്കിൽ മോതിര വിരലണിയും (അമ്പിളി...)