ആരോമലാകുമീയാരാമപുഷ്പത്തെ

 

ആരോമലാകുമീയാരാമ പുഷ്പത്തെ
ആമിനയെന്നു വിളിച്ചോട്ടെ എന്റെ
ആമിനയെന്ന് വിളിച്ചോട്ടെ
ആരും കൊതിക്കുമീ ചെമ്പനീർപ്പൂവിനെ
മാറോടണച്ചോട്ടെ

ഷാലിമലർ പൂന്തോപ്പിലല്ലാ ദൂരെ
ശാരോൺ മലയിലുമല്ലാ
നാലുകെട്ടിന്റെ നടുമലർ മുറ്റത്തെൻ
നാണക്കുരുന്നിനെ കണ്ടു എന്റെ
നാണക്കുരുന്നിനെ കണ്ടു

കാതിലടക്കം പറഞ്ഞു നിന്നെ
കാണാതിരിക്കുവാൻ വയ്യാ
ഓടിപ്പോവാതെയീ ഓമനച്ചന്തത്തെ
താലിച്ചരടിൽ ഞാൻ കെട്ടും പൊന്നും
താലിച്ചരടിൽ ഞാൻ കെട്ടും