ബേബി ജോൺ കലയന്താനി
Baby John Kalayanthi
നിരവധി ക്രിസ്‌ത്യന്‍ ഭക്‌തഗാനങ്ങള്‍ എഴുതിയ ബേബി ജോണ്‍ തൊടുപുഴ കലയന്താനി സ്വദേശിയാണ്‌. ഇസ്രായേലിന്‍ നാഥനായ്‌ വാഴുമേക ദൈവം, ആബാ ദൈവമേ, ഒന്നുവിളിച്ചാല്‍ ഓടിയെന്റെ അരുകിലെത്തും, പെറ്റമ്മ മറന്നാലും, ദൈവത്തെ മറന്നു കുഞ്ഞേ ജീവിക്കരുതേ ഉള്‍പ്പെടെ 3500 ഓളം ക്രിസ്‌ത്യന്‍ ഭക്‌തിഗാനങ്ങള്‍ക്ക്‌ അദ്ദേഹം രചന നിര്‍വഹിച്ചു.
ഗാനഗന്ധര്‍വന്‍ യേശുദാസ്‌, എസ്‌.പി. ബാലസുബ്രഹ്‌മണ്യം, കെ.ജി. മാര്‍ക്കോസ്‌, എം.ജി.ശ്രീകുമാര്‍, എസ്‌. ജാനകി, കെ.എസ്‌. ചിത്ര തുടങ്ങിയ പ്രശസ്‌ത ഗായകരെല്ലാം ബേബിയുടെ രചനകള്‍ക്ക്‌ ശബ്‌ദം നല്‍കി. 2014-ല്‍ വിശുദ്ധപദവി ലഭിച്ച ചാവറയച്ചന്റെ നാമകരണത്തോടനുബന്ധിച്ച്‌ വത്തിക്കാനിലെ കൃതജ്‌ഞതാബലിയില്‍ വത്തിക്കാന്‍ ക്വയര്‍ ആലപിച്ച മൂന്നു ഗാനങ്ങളും ബേബി ജോണിന്റേതായിരുന്നു.