മുറപ്പെണ്ണ്

തറവാട്ടുകാരണവർ കുഞ്ഞികൃഷ്ണമേനോന്റെ മകൾ ഭാഗി അദ്ദേഹത്തിന്റെ മൂത്ത മരുമകൻ ബാലന്റെ മുറപ്പെണ്ണാണ്. മരുമകൾ കൊച്ചമ്മിണി കേശവൻ കുട്ടിയുടെ മുറപ്പെണ്ണും. എന്നാൽ ബാലന്റെ അനിയൻ തന്ത്രങ്ങളിലൂടെ ഭാഗിയെ സ്വന്തമാക്കുകയാണുണ്ടായത്. കേശവൻ കുട്ടി മറ്റൊരു വിവാഹത്തിനാണ് ഒരുമ്പെടുന്നത്. എല്ലാം നഷ്ടപ്പെട്ട ബാലനോട് കൊച്ചമ്മിണിക്ക് സഹതാപമുണ്ട്. കേശവൻ കുട്ടി വരന്റെ വേഷം ചമഞ്ഞ് മറ്റൊരു കല്യാണത്തിനു പുറപ്പെടുമ്പോൾ ബാലൻ നിർബ്ബന്ധിച്ച് അയാളെ തന്റെ വീട്ടിലേക്ക് കൊണ്ടു വരികയാണ്, കൊച്ചമ്മിണിയെ വധുവായി സ്വീകരിക്കാൻ. പക്ഷേ അപ്പൊഴേയ്ക്കും കൊച്ചമ്മിണി ഒരു മുഴം കയറിൽ ജീവിതം അവസാനിപ്പിച്ചിരുന്നു.