വാർതിങ്കൾ കണിവെയ്ക്കും രാവിൽ

വാർതിങ്കൾ കണിവയ്ക്കും രാവിൽ
വാസനപ്പൂവുകൾ വിരിയും രാവിൽ (2)
വിഷുക്കൈനീട്ടം തന്നവനേ
വിവാഹമോതിരമെന്നു തരും (2)
(വാർതിങ്കൾ..)

ഒരു നേരം നമ്മൾ കണ്ടില്ലെങ്കിൽ
ഒന്നരികിൽ വന്നില്ലെങ്കിൽ
മനസ്സിലെ മാൻപേട ഉറങ്ങുകില്ല
മോഹപുഷ്പങ്ങൾ വിടരുകില്ല - എന്റെ
മോഹപുഷ്പങ്ങൾ വിടരുകില്ല
വാർതിങ്കൾ കണിവയ്ക്കും രാവിൽ
വാസനപ്പൂവുകൾ വിരിയും രാവിൽ

പ്രിയമാനസാ നിന്‍ മനോരഥത്തില്‍ ‍
എനിക്കിരിക്കാന്‍ ഇടമുണ്ടോ (2)
പകല്‍കിനാക്കള്‍ വിരിക്കും മെത്തയില്‍
എനിക്കുറങ്ങാന്‍ ഇടമുണ്ടോ - ഒന്നെ-
നിക്കുറങ്ങാന്‍ ഇടമുണ്ടോ

വാർതിങ്കൾ കണിവയ്ക്കും രാവിൽ
വാസനപ്പൂവുകൾ വിരിയും രാവിൽ 
വിഷുക്കൈനീട്ടം തന്നവനേ
വിവാഹമോതിരമെന്നു തരും 
വാർതിങ്കൾ കണിവയ്ക്കും രാവിൽ
വാസനപ്പൂവുകൾ വിരിയും രാവിൽ 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
7
Average: 7 (1 vote)
Vaarthinkal kani

Additional Info

അനുബന്ധവർത്തമാനം