വാനമ്പാടി ആരേ തേടുന്നു നീ

വാനമ്പാടി ആരേ തേടുന്നു നീ
ഏതോ ഗാനം പോലെ വാനിൽ മായുന്നൂ
കോടക്കാറ്റേ നീയെൻ കാതിൽ ചൊല്ലൂ
ആരെ കാണാൻ നീയും ദൂരെ പോകുന്നു
ആരോടും ചൊല്ലി നിൽക്കാനാവില്ല നമ്മൾ
ആത്മാവിൽ ചൂടുമീ വിരഹം
മറ്റാർക്കും പങ്കുവെയ്ക്കാനാവില്ല
ഈ പ്രേമത്തിൻ നൊമ്പരം പാവം ( വാനമ്പാടി...)

ഈ രാതിങ്കൾ കൈവിളക്കായെങ്കിൽ
ഞാനണയാം നിന്റെയരികിൽ
ഈ താരങ്ങൾ വെണ്മുത്തായ് തീർന്നെങ്കിൽ
ഞാൻ ചൊരിയാം നിന്റെ ചിരിയിൽ
ഓരോ മിഴിയും തോരാമുകിലായ്
ഓരോ നിമിഷം ഓരോ യുഗമായ്
ഇനിയും വൈകരുതേ( വാനമ്പാടി...)

ഈ തൂവെട്ടം തൂവാലയായെങ്കിൽ
ഞാൻ തുടക്കാം നിന്റെ മിഴികൾ
ഈ മൗനങ്ങൾ സംഗീതമായെങ്കിൽ
ഞാൻ മയങ്ങാം നിന്റെ മടിയിൽ
ഓരോ നിശയും കണ്ണീർക്കുടമായ്
ഓരോ കടവും തീരാക്കടമായ്
ഇനിയും വൈകരുതേ( വാനമ്പാടി...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Vaanambaadi Aare Thedunnu Nee

Additional Info

അനുബന്ധവർത്തമാനം