സുഗന്ധഭസ്മ കുറിതൊട്ടുനിൽക്കും

സുഗന്ധഭസ്മ കുറിതൊട്ടുനിൽക്കും
സന്ധ്യാദീപ മനോഹരി.....
കാർത്തികപൗർണ്ണമി കണിയിട്ടുനിൽക്കും നിൻ
കാതരമിഴികൾ കണ്ടു ഞാൻ....നിൻ
കാതരമിഴികൾ കണ്ടൂ ഞാൻ....

ചിന്തതൻ ആരോമൽ ചിപ്പിയിൽ നീയൊരു
ചിന്താമണിയായ് വിളഞ്ഞു...
പ്രണയത്തിൻ നവനീതിയിൽ
പ്രവാളരത്നമായ് കഴിഞ്ഞു..

(സുഗന്ധഭസ്മ)

കൽപ്പനാരാമത്തിൽ നിത്യസ്നേഹത്തിന്റെ
കർപ്പൂര കൊടിയായ് നീ പടർന്നു..
കളഭക്കുറി തൂകും പരിമളധന്യമാം
കൽഹാരസൂനമായ് വിടർന്നു...

(സുഗന്ധഭസ്മ)