മരീചികേ ഞാനെന്തിനു നിന്നെ

 

മരീചികേ ഞാനെന്തിനു നിന്നെ
മാടി വിളിക്കുന്നു വീണ്ടും
മാടി വിളിക്കുന്നു
ഒന്നു തൊടാൻ ഞാൻ കൈ നീട്ടുമ്പോൾ
ഓടിയൊളിക്കുന്നു നീ
ഓടിയൊളിക്കുന്നു
(മരീചികേ....)

ഒരു പകൽ സ്വപ്നം പോലെ നീയെൻ
അരികിൽ വിടർന്നപ്പോൾ
അതിനെ വലവെച്ചെന്തോ പാടിയ
വെറുമൊരു ശലഭം ഞാൻ
(മരീചികേ...)

മണലാഴിയിലൂടൊഴുകിപ്പോമൊരു
മനസ്സിൻ ദാഹം ഞാൻ
വീണക്കമ്പികൾ കാണാതലയും
ഗാനവീചിക ഞാൻ
(മരീചികേ...)