|
പ്രിയതമേ ശകുന്തളേ
പ്രമദ മാനസ സരസ്സിൽ നീന്തും
പ്രണയ ഹംസമല്ലേ നീ
പറയുമോ - ( പ്രിയതമേ..)
എവിടെ എന്നുടെ പ്രിയനെവിടെ
ചെമ്പനിനീർ പൂങ്കാറ്റേ
കണ്ടോ നീയാ കോമളനെ
കൂവളങ്കാട്ടിലെ കലമാനേ
മറന്നോ ദൂരെയകന്നോ
എങ്ങോ പോയ് മറഞ്ഞോ
കണ്വ തപോവന സീമയിലിന്നീ
ശകുന്തള കാത്തിരിപ്പൂ ( പ്രിയതമേ...)
ഇളനീർത്തുമ്പികൾനിൻ മിഴിയിൽ
ഇളവേൽക്കുകയോ വനലതികേ
കിളികൾ നുള്ളിയ തളിരിലയിൽ
എഴുതാം ഞാനാ പ്രിയ രഹസ്യം
പളുങ്കിൽ തീർത്ത പ്രതിമേ
എൻ ഹൃദയം തന്നു മടങ്ങാം
ഓർമ്മകളെല്ലാം ചന്ദന വിരലിൽ
മോതിരമായണിയാം (പ്രിയതമേ...)
|
