ഹൃദയം കൊണ്ടെഴുതുന്ന കവിത - M

ഹൃദയം കൊണ്ടെഴുതുന്ന കവിത
പ്രണയാമൃതം അതിൻ ഭാഷ
അർത്ഥം അനർത്ഥമായ് കാണാതിരുന്നാൽ
അക്ഷരതെറ്റു വരുത്താതിരുന്നാൽ
മഹാകാവ്യം ദാമ്പത്യം ഒരു മഹാകാവ്യം [ഹൃദയം]

പതറാതെ പാടിയ നാവുകളുണ്ടോ
ഇടറാതെ ആടിയ പാദങ്ങളുണ്ടോ
തെറ്റും രാഗം പിഴക്കും താളം (2)
തിരുത്തലിലൂടെ ഉണരും പ്രവാഹം
ഈ ജീവ ഗാനപ്രവാഹം [ഹൃദയം]

തെളിയാത്ത ബന്ധത്തിൻ ചിത്രങ്ങൾ വീണ്ടും
സഹനവർണ്ണങ്ങളാൽ എഴുതണം നമ്മൾ
വർഷംകൊണ്ടും വസന്തംകൊണ്ടും (2)
വേനലിൽ പാപം കഴുകുന്നു കാലം
ആ പരബ്രഹ്മമാം കാലം [ഹൃദയം ]

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
3
Average: 3 (1 vote)
Hridayam kondezhuthunna -M

Additional Info

അനുബന്ധവർത്തമാനം