ഇവിടെ ഈ വഴിയിൽ

ഇവിടെ ഈ വഴിയിൽ
ഈ നിഴലിൽ...

ഇവിടെ ഈ വഴിയിൽ
ഈ നിഴലിൽ
ഇവിടെ വെച്ചിനി വിട പറയാം
ഇവിടെ വെച്ചിനി വേർപിരിയാം

ചിതയിൽവെച്ചാലും ചിറകടിച്ചുയരുന്ന
ചിരകാല സുന്ദര സ്വപ്നങ്ങളേ
മിഴിനീരു കൊണ്ടെത്ര മായ്ച്ചാലും പിന്നെയും
തെളിയുന്ന സങ്കല്പ ചിത്രങ്ങളേ
തെളിയുന്ന സങ്കല്പ ചിത്രങ്ങളേ
ഇവിടെ ഈ വഴിയിൽ
ഈ നിഴലിൽ

മകരത്തിൻ തൂമഞ്ഞിൽ വീണ്ടും ചിരിക്കുന്ന
മയിൽ പീലി മാവിന്റെ ചില്ലകളേ
ഇവിടെ വെച്ചാദ്യമായ് ഞങ്ങൾ കൈമാറിയ
മധുര വാഗ്ദാനങ്ങൾ ഓർമ്മയുണ്ടോ
മധുര വാഗ്ദാനങ്ങൾ ഓർമ്മയുണ്ടോ
ഇവിടെ ഈ വഴിയിൽ
ഈ നിഴലിൽ

അറിയാത്ത ഭാവത്തിൽ കളിയും ചിരിയുമായ്
ഓടുന്ന നദിയിലെ ഓളങ്ങളേ
ഇവിടെ വെച്ചാദ്യത്തെ ചുംബനത്താൽ നിന്റെ
മുഖപടം കീറിയതോർമ്മയുണ്ടോ
മുഖപടം കീറിയതോർമ്മയുണ്ടോ
ഇവിടെ ഈ വഴിയിൽ
ഈ നിഴലിൽ

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ivide ee vazhiyil

Additional Info

അനുബന്ധവർത്തമാനം