രാജകുമാരീ ദേവകുമാരീ

രാജകുമാരീ ദേവകുമാരീ

രാഗമാലികയായ് വിടരും നീ

രാസലീലാ വന്ദനമാലാ (രാജകുമാരി...)

പുഷ്യരാഗത്തിന്നൊളി പൂക്കും പുഞ്ചിരി

പുഷ്പകാലത്തിന്നാദ്യത്തെ പുലരി

ലജ്ജയിലലിയും മുഖമൊരു ലഹരി

ലളിതേ ലതികേ നീയുഷമലരി

സുരലോക രതിവീണ മധുവാണി നീ

സാല്വന്റെ നാളത്തെ യുവറാണി നീ (രാജകുമാരി...)

ശില്പി കാണാത്ത കലതാവും പൂവുടൽ

സ്വർഗ്ഗരത്നങ്ങളാക്കുന്ന തേൻ കടൽ

ചിത്രമെഴുതും മിഴിയൊരു വാതിൽ

സ്വപ്നഗന്ധർവ്വനതിനെന്നും കാവൽ

മദനന്റെ മദം പൂത്ത മൽ മഞ്ജരി

മമ മോഹത്തോണി തൻ മധുര വേണി നീ (രാജകുമാരി...)