ആഷാഢം മയങ്ങി

ആഷാഢം  മയങ്ങി നിൻ മുകിൽ വേണിയിൽ
ആകാശം തിളങ്ങി നിൻ നയനങ്ങളിൽ
രാഗം നിന്നധരത്തിൽ തപസ്സിരുന്നൂ അനുരാഗ
മെൻ മനതാരിൽ തുടിച്ചുയർന്നൂ (ആഷാഢം )
 
അംഗലാവണ്യ വർണ്ണങ്ങൾ കടം വാങ്ങും
ആരണ്യപ്പൂവിനങ്ങൾ മദം മറന്നൂ
നിറവും മണവും മധുവും നിന്നിലെ
നിത്യവസന്തം തൻ നിധികളാക്കി
എന്നെയാ നിധി കാക്കും ദേവനാക്കി ..ദേവനാക്കി..(ആഷാഢം..)
 
സുന്ദരീഹൃദയത്തിൻ സങ്കല്പം കടം വാങ്ങും
ശൃംഗാര പാലരുവീ ലയം മറന്നൂ
തളയും വളയും മണിയും നിന്നിലെ
നൃത്ത സോപാനം തൻ നിധികളാക്കീ
എന്നെയാ നർത്തന ഗാനമാക്കി ഗാനമാക്കീ (ആഷാഢം..)