സ്നേഹാർദ്രസുന്ദരഭാവമുണർത്തുന്ന

സ്നേഹാർദ്ര സുന്ദരഭാവമുണർത്തുന്ന

രാപ്പാടികളുടെ ഗാഥ

ഏതോ പുതിയൊരു താളത്തിൻ വശ്യത

നീന്തിത്തുളുമ്പുന്ന ഗാഥ ( സ്നേഹാർദ്ര..)

സാമഗാനത്തിന്റെ ശാന്തി തുളുമ്പുന്ന

സായാഹ്നമാരുതൻ വീശി

പൊള്ളുന്ന നെറ്റിയിൽ ബാലചന്ദ്രാംശുക്കൾ

പൂജിച്ച ചന്ദനം പൂശി (സാമഗാന..)

അന്തരംഗത്തിന്റെ ശ്രീകോവിലിൽ നിന്നും

ആരോ വിളിക്കുന്നു മൂകം

ഏകാന്തതയുടെ പാഴ്മരുഭൂമിയിൽ

എങ്ങോ മറയുന്നു ശോകം (സ്നേഹാർദ..)