മുത്തുച്ചിലങ്കകൾ

മുത്തുച്ചിലങ്കകൾ കാലിലണിഞ്ഞ്
മുത്തായ മുത്തെല്ലാം മാറിലണിഞ്ഞ്
ഉമ്മവച്ചുമ്മവച്ചെന്നെയുണർത്തും
ഉന്മാദരൂപമേ എൻ പ്രേമമേ  (മുത്തു...)
 
 
ഹൃദയം ഹൃദയത്തിൽ പടരുമ്പോൾ
അധരം അധരത്തിൽ അമരുമ്പോൾ
ആയിരം മാദകലഹരിയിൽ മുഴുകി
മനവും തനുവും മറക്കുന്നു
നമ്മൾ മറക്കുന്നു  (മുത്തു...)
 
ഈ പ്രേമവേദിയിൽ
ജീവിതമാകെ തുടിക്കുന്നു
ഈ രാഗലഹരിയിൽ
നീയും ഞാനും ലയിക്കുന്നു
സർവലോകവും ചലിക്കുന്നു
സപ്ത വർണ്ണവും ജ്വലിക്കുന്നു  (മുത്തു...)