ദുഃഖമാണു ശാശ്വതസത്യം

ദുഃഖമാണു ശാശ്വത സത്യം

മർത്ത്യന്നതിൻ കളിപ്പാട്ടം

ദുഃഖമാണു  വസ്തു സുഖം നിഴൽ മാത്രം

വെറും നിഴൽ മാത്രം (ദുഃഖമാണു ..)

സുഖത്തിന്റെ കാനൽ ജലത്തിൽ

കളിത്തോണിയിറക്കുവാൻ

കുതിക്കുന്നു രാവും പകലും

മാനവലോകം (ദുഃഖമാണു ..)

മോഹത്തിൻ മൂടൽമഞ്ഞാൽ

ശോകത്തിൻ വൻ മരു മർത്ത്യൻ മൂടുന്നു

മൃഗതൃഷ്ണ തേടുന്നു (ദുഃഖമാണു ...)

അകലുന്ന സുഖത്തിനെ

അടയുവാൻ വെമ്പുന്നോരെൻ

അരിപ്പയിൽ തേൻ നിറയ്ക്കും

വിടുവിഡ്ഢി വെറും വിടുവിഡ്ഢി  (ദുഃഖമാണു ...)