കണ്ണില്ലാത്തൊരീ ലോകത്തിലെന്തിനെൻ

എങ്ങോ പിറന്ന ഞാനെന്നോ പിറന്ന ഞാൻ
എന്റേതായൊന്നുമേ കണ്ടില്ലാ
താരാട്ടുപാട്ടിന്റെയീണമില്ലോർമ്മയിൽ
താലോലമാട്ടിയില്ലാരും
മുന്നോട്ടിഴഞ്ഞു തളർന്നു ഞാനമ്മേ
നിൻ ധന്യപാദങ്ങളിൽ വീണല്ലോ
(കണ്ണില്ലാത്തൊരീ....)

ശംഖനാദങ്ങളേ പള്ളിമണികളേ
നിങ്ങളിക്കാരുണ്യം വാഴ്ത്തുകില്ലേ
അമ്പേറ്റു വീണൊരു പക്ഷി ഞാൻ എന്നിലെ
നൊമ്പരമാറ്റിയതാരാണു
ഉമ്മയെൻ ജീവന്റെ ജീവനാണെന്നുമീ
ഉമ്മക്കൊരു മകൻ ഞാനാണു
(കണ്ണില്ലാത്തൊരീ....)