പ്രണയിനി ഞാൻ നിൻ

പ്രണയിനി ഞാന്‍ നിന്‍....പ്രമദവനത്തില്‍...
ഒരു മഴവില്ലായ്‌....വിരിയുകയല്ലേ....
അധരപുടങ്ങളില്‍ നിന്നും
അമൃതപരാഗം ചൊരിയും

കിളിയുടെ ഈറന്‍മൊഴികളുമായി
പുലര്‍വെയില്‍ കൂടെ വന്നു
ചിരിയുടെ തൂവല്‍തളിരുകളോടെ
അരികില്‍ നീ ചാരിനിന്നു
പ്രിയതരമേതോ അസുലഭരാഗം
പകരുകയായ്‌ ഞാന്‍ നിന്നില്‍

നഖമുനയാല്‍ നിന്‍ കവിളിണ നുള്ളാന്‍
പകലൊളി പാറി വന്നു
മഷിയെഴുതാതെ മുകിലലയോലും
മിഴികളില്‍ ഉമ്മ നല്‍കും
ഋതുമതിയാം നിന്‍ ഹൃദയനിലാവില്‍
ശലഭമുറങ്ങുകയാവാം

ഒരു മഴവില്ലായ്‌ ഞാന്‍ വിരിയുകയല്ലേ
അധരപുടങ്ങളില്‍ നിന്നും
അമൃതപരാഗം ചൊരിയും

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Pranayini Njaan Nin

Additional Info

ഗാനശാഖ: 

അനുബന്ധവർത്തമാനം