എന്റെ മനോരഥത്തിലെ ഏഴു വർണ്ണ തലങ്ങളിൽ

എന്റെ മനോരഥത്തിലെ ഏഴു വര്‍ണ്ണ തലങ്ങളില്‍
എങ്ങനെയെന്നറിയില്ലൊരു മധുര വേദന
നിര്‍വചനാതീതമായ് സുഖകരമായൊരാ
നൊമ്പരത്തിന്‍ മരുന്നു തേടുന്നു ഞാന്‍
(എന്റെ മനോരഥത്തിലെ...)

ഏകാന്തതയിലെന്‍ സ്വസ്ഥത നീക്കിടുമെന്‍
ചേതന തന്‍ വേദനകള്‍ കുളിരുണര്‍ത്തുമ്പോള്‍
തൊട്ടതെല്ലാം സിദ്ധികളുള്ള നിന്‍
സിദ്ധൌഷധസ്പര്‍ശനത്താല്‍ സുഖപ്പെടുത്തു
എന്നെ സുഖപ്പെടുത്തു.....
(എന്റെ മനോരഥത്തിലെ...)

എത്രശരല്‍ക്കാലമായ് എത്ര വസന്തങ്ങളായ്
എത്രയെത്ര ഹേമന്ത സന്ധ്യകളായ്
ബന്ധുരയാം വസുന്ധരേ നിന്റെ കരപല്ലവത്തിന്‍
ഇന്ദ്രജാലപരിചരണം കൊതിക്കുന്നു ഞാന്‍
(എന്റെ മനോരഥത്തിലെ...)

 

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Ente manoradhathile

Additional Info

അനുബന്ധവർത്തമാനം