യാത്രയായ് നീയും

 

യാത്രയായ് നീയും യാത്രയായ്
യാമിനി തൻ നിലാമുറ്റത്തുണർന്നൊരു
ലാവണ്യവതിയാം സുമകന്യകേ
യാത്രയായ് നീയും യാത്രയായ്

നിന്നെ പ്രകീർത്തിച്ചു പാടിയില്ലാരും
കണ്ണീരിൻ കാവ്യങ്ങളെഴുതിയില്ലാ
ഹൃദയം നിറയുന്നൂ ഇടറുന്നൂ മൊഴികൾ
മിഴിയിൽ വെളിച്ചം കെടുന്നൂ ഈ
നിലാവ് പൊലിയുന്നു (യാത്രയായ്..)

ജന്മങ്ങൾ കാലത്തിൻ മന്ദാകിനിയിൽ
മൺ ദീപങ്ങളായൊഴുകുന്നു
നിമിഷത്തിരക്കൈകളമ്മാനമാടി
നിറുകയിലെത്തിരി കെടുന്നൂ
വിളക്കുമുടയുന്നൂ ഈ
വിളക്കുമുടയുന്നൂ (യാത്രയായ് ....)

-----------------------------------------------------------------------