കടാക്ഷമുനയാൽ കാമുകഹൃദയം

കടാക്ഷമുനയാൽ കാമുകഹൃദയം
കവർന്നെടുക്കും സ്ത്രീ സൗന്ദര്യമേ നിൻ
കവിൾത്തടത്തിൽ കുളിരളകങ്ങൾ
കുറിച്ചതേതൊരു കാവ്യം -കാമകാവ്യം

കുലച്ച വില്ലിലെ മൃദുഞാൺ ചരടിൽ
തൊടുത്തു നിർത്തിയ പൂവമ്പോ
നിറഞ്ഞ മാറിലെ വേരുകളുള്ളൊരു
വിരിഞ്ഞ പുഞ്ചിരിയോ
കാമുകനാക്കി എന്നെ നിൻ പ്രിയ കാമുകനാക്കി

തുടുത്ത യൗവനസിരകൾക്കുള്ളിലെ
തുടിച്ചുണർന്നൊരു സൗരഭമോ
വിലാസവതി നിൻ പൂമെയ്യണിയും
വികാരലഹരികളോ
കാമുകനാക്കി എന്നെ നിൻ പ്രിയകാമുകനാക്കി

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kadakshamunayal

Additional Info

അനുബന്ധവർത്തമാനം