കൊടുങ്കാറ്റേ നീയിളംകാറ്റാകൂ
കൊടുങ്കാറ്റേ നീയിളം കാറ്റാകൂ
ഈ പുഷ്പനികുഞ്ജത്തിലുറങ്ങൂ
ഈ സ്നേഹമഞ്ചത്തിലുറങ്ങൂ (കൊടുങ്കാറ്റേ...)
പൂന്തിങ്കൾ പൂങ്കൊടിക്ക്
പൂമേഘം വെൺചാമരം
പൂഞ്ചോലപ്പൊന്മണിക്ക്
പൂനിലാപ്പൊൻചാമരം (പൂന്തിങ്കൾ..)
കാറ്റായലറി പൂവായടങ്ങുമെൻ
കണ്ണനെയുറക്കാനായ്
കണ്ണീരിൻ വിശറിമാത്രം - എന്റെ
കണ്ണീരിൻ വിശറി മാത്രം (കൊടുങ്കാറ്റേ...)
ഋതുകന്യ തുകിൽ മാറ്റുമ്പോൾ
ഈ വേനൽ കുളിരാകുമ്പോൾ
കണ്ണന്റെ കാലം മാറും
കവിതകൾ പൂത്തുലയും
പാട്ടായ് വന്നു പാവ പോൽ മടങ്ങും
രാധതൻ കദനം
കണ്ണാ നീ മറന്നീടുമോ അന്നെൻ
കണ്ണാ നീ മറന്നീടുമോ (കൊടുങ്കാറ്റേ...)
നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ:
No votes yet
Kodum Katte
Additional Info
ഗാനശാഖ: