വാസരസങ്കല്പത്തിൻ

വാസരസങ്കല്പത്തിൻ
വർണ്ണമയിൽ പീലികൾ
വാർതിങ്കൾത്തോഴിയിവളൊളിച്ചു വെച്ചു
ഞങ്ങൾ കണ്ടു പെരുകുമാ പീലികൾ
ഞങ്ങൾ കണ്ടൂ (വാസര...)

കുരുത്തോലത്തോരണക്കതിർമണ്ഡപം
നിറപറ വരവേൽക്കും സ്വരമണ്ഡപം
അഷ്ടമംഗല്യത്തിൻ പുഷ്പപ്രകാശത്തിൽ
അടിവെച്ചടുക്കുന്ന വധുവിൻ മുഖം
ഞങ്ങൾ കണ്ടൂ നാണം  മുഴുക്കാപ്പു ചാർത്തിയ
കണ്മണി തൻ മുഖം ഞങ്ങൾ കണ്ടൂ
കഴുത്തിൽ പൊൻ‌താലി ചാർത്തിക്കണ്ടൂ (വാസര...)

പനിനീർപൂവിതൾ പാടും മലർമഞ്ചവും
പരിഭവിച്ചെരിയുന്ന മണിവിളക്കും
സ്വപ്നഗന്ധർവന്റെ കൈ തൊട്ടുണർത്തുമ്പോൾ
പൊട്ടിത്തളിർക്കുന്ന പുളകങ്ങളും
ഞങ്ങൾ കണ്ടു മൗനം മുത്തങ്ങളായ് മാറും
സുന്ദരച്ചൊടികളും ഞങ്ങൾ കണ്ടൂ
കവിളിൽ ഓണപ്പൂക്കളവും കണ്ടൂ (വാസര...)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
5
Average: 5 (1 vote)
Vaasarasankalpaathin

Additional Info

അനുബന്ധവർത്തമാനം