ആദത്തിൻ അചുംബിത

ആദത്തിൻ അചുംബിത മൃദുലാധരത്തിൽ
ആദ്യമായ് തുളുമ്പിയ മധുരദാഹം
ഹവ്വ തൻ സിരകളിലഗ്നി പടർത്തിയ
യൗവന സുരഭില പുഷ്പഗന്ധം
അനുരാഗം-അതാനനുരാഗം (ആദത്തിൻ..)

മാനോടൊത്തു വളർന്നവളേ
മന്മഥ കഥയറിയാത്തവളേ
കണ്ടു മുട്ടി കീഴടക്കിയ ഗന്ധർവ്വസംഗീതമനുരാഗം
കാലമാമനശ്വര കവിഭാവനയിൽ
ശാകുന്തളങ്ങൾ തുടരുന്നു-ഇന്നും തുടരുന്നു (ആദത്തിൻ..)

സാമ്രാജ്യങ്ങൾ തകർത്തവരേ
ദൈവങ്ങളായ് വളർന്നവരേ
മോഹനലോചനപൂവമ്പാൽ വീഴ്ത്തിയ
മോഹിനീ നർത്തനമനുരാഗം
കാലത്തിന്നനശ്വര രാജാങ്കണത്തിൽ
ജോസഫൈൻ നിന്നു ചിരിക്കുന്നു-ഇന്നും ചിരിക്കുന്നു(ആദത്തിൻ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Aadathin Achumbitha

Additional Info

അനുബന്ധവർത്തമാനം