മൗനമിതെന്തേ മായാവീ

മൗനമിതെന്തേ മായാവീ നിൻ
മന്ത്രപേടകം തുറക്കരുതോ
എന്റെ മിഴിയിലും മലർശരമില്ലേ
എന്റെ മാറിലും മദനപ്പൂവില്ലേ (മൗന...)

വിളിച്ചുണർത്തുമെന്നോർത്തു ഞാൻ മയങ്ങീ
തളയും വളകളുമണിയാതെയുറങ്ങീ
വെള്ളിജാലകക്കൊളുത്തുകൾ കിലുങ്ങി
കള്ളൻ കാറ്റിന്റെ കൈകളിൽ ഞെരുങ്ങി
ആശിച്ചുണർന്നെത്ര യാമങ്ങൾ കൊഴിഞ്ഞു
ആഗ്രഹം നീയറിഞ്ഞില്ലയെന്നോ (മൗന...)

തരിച്ചു വിടരുമെൻ മേനിയിൽ തഴുകൂ
തുടിച്ചു നീന്തിയീ യമുനയിലൊഴുകൂ
ഉള്ളിലാനന്ദത്തോണികളിറക്കൂ
എന്നും നിൻ മോഹമതിൽ സഞ്ചരിക്കും
ഈ കിനാവിന്റെ രാഗം  ഞാൻ പാടി
ഈ സ്വരം നീ കേട്ടില്ലയെന്നോ (മൗന....)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Maunamithenthe Maayaavi

Additional Info

അനുബന്ധവർത്തമാനം