കാമദേവനെനിക്കു തന്ന പൂവനമേ

കാമദേവനെനിക്കു തന്ന പൂവനമേ
കവിതകൾ തൻ തേൻ തുളുമ്പും യൗവനമേ
പൂവനമേ മാദകയൗവനമേ (കാമദേവ..)

വസന്തമെന്റെ വള്ളിക്കുടിൽ മറന്നാലും നിൻ
സുഗന്ധമെന്റെ മണിയറയിൽ മധു നിറയ്ക്കും
വെണ്ണിലാവിൻ പുണ്യരഥം മരഞ്ഞാലും നിൻ
മന്ദഹാസമെന്റെ മുറ്റമലങ്കരിക്കും (കാമദേവ...)

ഹൃദയമെന്റെ കൊച്ചുസ്വപ്നം മറന്നാലും നിൻ
അധരമുത്തിലെൻ സ്വരങ്ങളൊളിച്ചിരിക്കും
അന്തരംഗപുഷ്പമേടയടച്ചാലും നിൻ
സന്ധ്യകളായെന്റെ ദാഹം  വിടർന്നു നിൽക്കും (കാമദേവ..)

നിങ്ങളുടെ പ്രിയഗാനങ്ങളിലേയ്ക്ക് ചേർക്കൂ: 
0
No votes yet
Kamadevanenikku thanna

Additional Info

അനുബന്ധവർത്തമാനം