മാനത്ത് മിന്നണ

മാനത്ത് മിന്നണ ഖമറിന്റെ ചേലൊത്ത സുൽത്താനാണേ
കന്നിപ്പൂമൊട്ടിന്റെ കനവാകെ പൂത്തല്ലോ വാനം മുട്ടെ
പെണ്ണേ നീയെന്റെ ഖൽബിലുദിച്ചെന്ന് 
പെണ്ണേ നീയെന്റെ ഖൽബിലുദിച്ചെന്ന് 
പുന്നാരമോതുന്ന റംസാൻ കാറ്റേ 
(മാനത്ത് മിന്നണ ... )

മൂവന്തിചോക്കുമ്പോൾ മഴവന്നു ചായുമ്പോൾ 
പൊന്നേ... എന്നുമ്മറക്കോണിലെ പൊൻ‌തിരിയാകണം
കാണാതിരിക്കുമ്പോൾ പരിഭവം നിറയുമ്പോൾ
കാണാതിരിക്കുമ്പോൾ പരിഭവം നിറയുമ്പോൾ
എന്നും ....  മൊഞ്ചേറും കൊഞ്ചലുമായെന്റെ 
ചാരത്തണയേണം ... ചാരത്തണയേണം
(മാനത്ത് മിന്നണ ... )

സുറുമക്കണ്ണെഴുതുമ്പോൾ കുടമുല്ല വിരിയുമ്പോൾ
ഇശലിന്റെ.... തൂവലുകൊണ്ടെന്നെ ഇക്കിളിയാക്കേണം
കൊതിയോടെ തിരയുമ്പോൾ കരിവളയിളകുമ്പോൾ
എന്നെ.. കസവിന്റെ തട്ടമണിയിച്ച് കൂടെകൂട്ടേണം
കൂടെകൂട്ടേണം 
(മാനത്ത് മിന്നണ ... )