Bhanumohan

എന്റെ പ്രിയഗാനങ്ങൾ

  • അകലെ അകലെ നീലാകാശം

    അകലെ....അകലെ... നീലാകാശം
    ആ ആ ആ.... 
    അകലെ അകലെ നീലാകാശം
    അലതല്ലും മേഘതീർഥം
    അരികിലെന്റെ ഹൃദയാകാശം
    അലതല്ലും രാഗതീർഥം
    അകലേ...നീലാകാശം

    പാടിവരും നദിയും കുളിരും
    പാരിജാത മലരും മണവും
    ഒന്നിലൊന്നു കലരും പോലെ
    നമ്മളൊന്നായലിയുകയല്ലേ 
    (അകലെ... )

    നിത്യസുന്ദര നിർവൃതിയായ് നീ
    നിൽക്കുകയാണെന്നാത്മാവിൽ
    വിശ്വമില്ലാ നീയില്ലെങ്കിൽ
    വീണടിയും ഞാനീ മണ്ണിൽ

    അകലെ അകലെ നീലാകാശം
    അലതല്ലും മേഘതീർഥം
    അരികിലെന്റെ ഹൃദയാകാശം
    അലതല്ലും രാഗതീർഥം
    അകലേ...നീലാകാശം

  • പാടുവാൻ മറന്നുപോയ്

    പാടുവാൻ മറന്നുപോയ്...
    സ്വരങ്ങളാമെൻ കൂട്ടുകാർ...
    എങ്ങോ.. എങ്ങോ.. പോയ് മറഞ്ഞു...

    അപസ്വരമുതിരും ഈ മണിവീണ തൻ
    തന്ത്രികളെല്ലാം തുരുമ്പിച്ചു പോയി...
    അറിയാതെ വിരൽതുമ്പാൽ മീട്ടുമ്പോളുയരും
    ഗദ്ഗദ നാദമാർക്കു കേൾക്കാൻ..

    (പാടുവാൻ മറന്നുപോയ് )

    എങ്കിലും വെറുതെ പാടുന്നു ഞാ‍ൻ
    കരളിൽ വിതുമ്പുമെൻ
    മൗന നൊമ്പരം ശ്രുതിയായ്....

    (പാടുവാൻ മറന്നു പോയ് )

    .

  • പൂന്തേനരുവീ

    പൂന്തേനരുവീ പൊന്മുടിപ്പുഴയുടെ അനുജത്തീ
    നമുക്കൊരേ പ്രായം നമുക്കൊരേ മോഹം
    നമുക്കൊരേ ദാഹം 
    (പൂന്തേനരുവീ.. )

    ഒരു താഴ്വരയിൽ ജനിച്ചൂ - നമ്മൾ
    ഒരു പൂന്തണലിൽ വളർന്നൂ
    പൂനിലാവലക്കിയ പുളിയിലക്കരയുള്ള
    പുടവയുടുത്തു നടന്നു - നമ്മൾ
    പൂക്കളിറുത്തു നടന്നൂ
    ഓർമ്മകൾ മരിക്കുമോ - ഓളങ്ങൾ നിലയ്ക്കുമോ
    ആഹാ ആഹാ ആഹാഹാഹാ
    ഓഹോ ഓഹോ ഒഹോഹൊഹോ 
    (പൂന്തേനരുവീ.. )

    മടിയിൽ പളുങ്കു കിലുങ്ങീ - നീല
    മിഴികളിൽ കനവു തിളങ്ങീ
    കാമിനി മണിമാരിൽ പുളകങ്ങളുണർത്തുന്ന
    കഥകൾ പറഞ്ഞു മയങ്ങീ - നമ്മൾ
    കവിതകൾ പാടി മയങ്ങീ
    ഓർമ്മകൾ മരിക്കുമോ - ഓളങ്ങൾ നിലയ്ക്കുമോ 
    ആഹാ ആഹാ ആഹാഹാഹാ
    ഓഹോ ഓഹോ ഒഹോഹൊഹോ 

    പൂന്തേനരുവീ പൊന്മുടിപ്പുഴയുടെ അനുജത്തീ
    നമുക്കൊരേ പ്രായം നമുക്കൊരേ മോഹം
    നമുക്കൊരേ ദാഹം
    പൂന്തേനരുവീ... 

  • അഷ്ടമംഗല്യ സുപ്രഭാതത്തിൽ

     

    അഷ്ടമംഗല്യ സുപ്രഭാതത്തില്‍
    അര്‍ച്ചനാപുഷ്പമാല്യമായ് (2)
    നിത്യവും കൃഷ്ണപൂജ ചെയ്യുന്ന
    ഭക്തലോലയാം രാധ ഞാന്‍
    (അഷ്ടമംഗല്യ......)

    വര്‍ഷമേഘവിരലിലാകാശം
    വജ്രമോതിരം ചാര്‍ത്തുമ്പോള്‍
    എന്റെ മൗനമനോരഥത്തിലെ
    മഞ്ജുള മയില്‍പ്പീലികള്‍
    നിന്‍ കിരീടത്തില്‍ ചൂടുവാനിനിയെന്തു താമസം
    എന്തു താമസം  കൃഷ്ണാ
    കൃഷ്ണാ... ശ്രീകൃഷ്ണാ.... കൃഷ്ണാ..
    (അഷ്ടമംഗല്യ...............)

    ഇന്ദ്രനീലതടാകമായ് മാറും
    ഈ മിഴികള്‍ നീ കണ്ടുവോ (2)
    മാറിലെ കുളിര്‍ ചന്ദനക്കുറി
    മാഞ്ഞതും നീ അറിഞ്ഞുവോ
    തൃപ്രസാദങ്ങളോടെ നീ എന്നില്‍
    തൃപ്തനാകണേ തൃപ്തനാകണേ
    കൃഷ്ണാ ...കൃഷ്ണാ.... ശ്രീകൃഷ്ണാ.... കൃഷ്ണാ...
    (അഷ്ടമംഗല്യ............)

  • പമ്പാനദിയിലെ പൊന്നിനു പോകും

    പമ്പാനദിയിലെ പൊന്നിനു പോകും
    പവിഴവലക്കാരാ വലക്കാരാ വലക്കാരാ
    നിൻ തളിർവല താഴും താഴെക്കടവിൽ
    നിൻ തളിർവല താഴും താഴെക്കടവിൽ
    താലികെട്ടാത്ത മീനൊണ്ടോ
    പൂ പൂ പൂ പോലോരു മീനൊണ്ടോ
    പൂ പൂ പൂ പോലോരു മീനൊണ്ടോ
    പമ്പാനദിയിലെ പൊന്നിനു പോകും
    പവിഴവലക്കാരാ വലക്കാരാ വലക്കാരാ

    വെളുവെളുങ്ങനെ വെളുത്തിട്ടോ
    പൂമീൻ കറുകറുങ്ങനെ കറുത്തിട്ടോ
    ചിത്രചെതുമ്പൽ തുഴഞ്ഞേ വന്നവൾ
    ഇഷ്ടം കൂടാറുണ്ടോ നിന്നോടിഷ്ടം കൂടാറുണ്ടോ
    അരയന്റെ പൂന്തോണി ദൂരെ കാണുമ്പോൾ
    അരികിലെത്താറുണ്ടോ
    അരയന്റെ പൂന്തോണി ദൂരെ കാണുമ്പോൾ
    അരികിലെത്താറുണ്ടോ -അരികിലെത്താറുണ്ടോ
    പമ്പാനദിയിലെ പൊന്നിനു പോകും
    പവിഴവലക്കാരാ വലക്കാരാ വലക്കാരാ

    കിലുകിലുങ്ങനെ ചിരിച്ചിട്ടോ - നാണം
    കുനുകുനുന്നനെ മുളച്ചിട്ടോ
    കിലുകിലുങ്ങനെ ചിരിച്ചിട്ടോ - നാണം
    കുനുകുനുന്നനെ മുളച്ചിട്ടോ
    ഓളങ്ങൾ മാറിൽ പുതച്ചേ നിന്നവൾ
    ഒളിയമ്പെയ്യാറുണ്ടോ - കണ്ണാൽ
    ഒളിയമ്പെയ്യാറുണ്ടോ
    ചിറകുള്ള നിൻ വല മെയ്യിൽ മുട്ടുമ്പോൾ
    കുളിരുകോരാറുണ്ടോ
    ചിറകുള്ള നിൻ വല മെയ്യിൽ മുട്ടുമ്പോൾ
    കുളിരുകോരാറുണ്ടോ കുളിരുകോരാറുണ്ടോ

    പമ്പാനദിയിലെ പൊന്നിനു പോകും
    പവിഴവലക്കാരാ വലക്കാരാ വലക്കാരാ
    നിൻ തളിർവല താഴും താഴെക്കടവിൽ
    നിൻ തളിർവല താഴും താഴെക്കടവിൽ
    താലികെട്ടാത്ത മീനൊണ്ടോ
    പൂ പൂ പൂ പോലോരു മീനൊണ്ടോ
    പൂ പൂ പൂ പോലോരു മീനൊണ്ടോ