സിദ്ധി മഹാജൻകട്ടി

1998 സെപ്റ്റംബർ 5 -ന് ധീരേന്ദ്ര മഹാജൻകട്ടിയുടെയും ലക്ഷ്മിയുടെയും മകളായി ബാംഗ്ലൂരിൽ ജനിച്ചു. അച്ഛന്റെ ജോലിയുമായി ബന്ധപ്പെട്ട് ഫാമിലി കൊച്ചിയിലായിരുന്നതിനാൽ സിദ്ധി പഠിച്ചതും വളർന്നതും കൊച്ചിയിലായിരുന്നു. കൊച്ചിയിലെ ഭവൻസ് ആദർശ് വിദ്യാലയ സ്ക്കൂൾ, വിദ്യോദയ സ്ക്കൂൾ എന്നിവിടങ്ങളിലായിരുന്നു സിദ്ധിയുടെ സ്ക്കൂൾ പഠനം. തുടർന്ന് ബാംഗ്ലൂർ സെന്റ് ജോസഫ് സ്ക്കൂൾ ഓഫ് കോമേഴ്സിൽ നിന്നും ബിരുദം നേടി.

സ്ക്കൂൾ കാലത്തുതന്നെ അഭിനയത്തോടും നൃത്തത്തോടും വലിയ താത്പര്യമുണ്ടായിരുന്ന സിദ്ധി തിരുവനന്തപുരം സൂര്യ ഫെസ്റ്റിവലിൽ ഹബീബ് തന്വീർ സംവിധാനം ചെയ്ത നാടകമായ "ചരൺദാസ് ചോറിൽ " പ്രധാന കഥാപാത്രത്തെ അവതരിപ്പിച്ചിരുന്നു. 2016 -ൽ ആനന്ദം എന്ന സിനിമയിൽ പ്രധാന കഥാപാത്രത്തെ അവതരിപ്പിച്ചുകൊണ്ടാണ് സിദ്ധി മഹാജൻകട്ടി സിനിമാ രംഗത്തേയ്ക്ക് കടക്കുന്നത്. അതിനുശേഷം ഹാപ്പി ദർബാർ എന്ന സിനിമയിലും അഭിനയിച്ചു.