ശരത്ചന്ദ്ര മറാഠേ

Saratchandra Marathe

പ്രസിദ്ധനായ ഹിന്ദുസ്ഥാനി സംഗീത അധ്യാപകനും സംഗീതജ്ഞനും, സംഗീത സംവിധായകനുമായിരുന്നു ശരത്ചന്ദ്ര മറാഠേ. ബോംബെ റയിൽവേയിലെ സ്റ്റെനോഗ്രഫറായിരിക്കെ, പൂമുള്ളി മനയിലെ രാമൻ നമ്പൂതിരിപ്പാടിനെ ഹിന്ദുസ്ഥാനി സംഗീതം പഠിപ്പിക്കാനായി മറാഠേ കേരളത്തിലെത്തി. മൂന്നു സിനിമകള്‍ക്ക് സംഗീതം നിര്‍വഹിച്ചു. അവിവാഹിതരുടെ സ്വർഗം, ചാഞ്ചാട്ടം(1981) , ശ്രാദ്ധം. പവിത്രന്‍െറ ‘ഉപ്പ്’ എന്ന സിനിമയുടെ പശ്ചാത്തല സംഗീതമൊരുക്കിയത് മറാഠേ ആയിരുന്നു. കോഴിക്കോട് ആകാശവാണിയില്‍ ആദ്യമായി ഹിന്ദുസ്ഥാനിസംഗീതം ആലപിച്ചത് മറാഠെയാണ്. ചലച്ചിത്രസംവിധായകന്‍ ജി.അരവിന്ദന്‍, എ.ടി.ഉമ്മര്‍, ആര്‍ട്ടിസ്റ്റ് നമ്പൂതിരി, അനില്‍ ദാസ്, ഞെരളത്ത് ഹരിഗോവിന്ദന്‍ തുടങ്ങിയവര്‍ അദ്ദേഹത്തിന്റെ പ്രധാന ശിഷ്യരില്‍പ്പെടുന്നു.