നിഷ സാരംഗ്

Name in English: 
Nisha Sarang

മലയാള ചലച്ചിത്ര, ടെലിവിഷൻ താരം. 1970 ജനുവരിയിൽ ശാരംഗദന്റെയും ശ്യാമളയുടെയും മകളായി എറണാംകുളത്ത് ജനിച്ചു. വളരെ ചെറുപ്പത്തിൽ, പത്താംക്ലാസ് കഴിഞ്ഞ ഉടനെത്തന്നെ നിഷ വിവാഹിതയായി. രണ്ടു കുട്ടികളായതിനു ശേഷം കുടുംബപ്രശ്നങ്ങളാൽ ഭർത്താവിൽ നിന്നും വിവാഹമോചനം നേടി. വിവാഹമോചനത്തിനു ശേഷം നിഷ അച്ഛന്റെ കൂടെ വീട്ടിൽ തന്നെയായിരുന്നു. അച്ഛന്റെ ബിസിനസിൽ സഹായിച്ച് വീട്ടിൽ തന്നെ നിന്നു.

  അതിനിടയിൽ 1999-ൽ അഗ്നി സാക്ഷി എന്ന സിനിമയിൽ ചെറിയൊരു വേഷം ചെയ്തുകൊണ്ട് നിഷ തന്റെ അഭിനയജീവിതത്തിന് തുടക്കം കുറിച്ചു. അച്ഛന്റെ മരണം നിഷയെ മാനസികമായി തളർത്തിയ സമയത്താണ് അവർക്ക് ഒരു സ്വകാര്യ ചാനലിൽ ഒരു പ്രോഗ്രാം അവതരിപ്പിയ്ക്കാൻ ഒരു അവസരം ലഭിയ്ക്കുന്നത്. പിന്നീട് നാടകങ്ങളിലും ടെലിവിഷൻ സീരിയലുകളിലുമെല്ലാം നിഷ സാരംഗ് അഭിനയിച്ചു. നൂറോളം സിനിമകളിലും നിഷ സാരംഗ് അഭിനയിച്ചിട്ടുണ്ട്. ഫ്ലവേഴ്സ് ചാനലിൽ സംപ്രേഷണം ചെയ്ത ഉപ്പും മുളകും എന്ന കോമഡി സീരിയലിലെ "നീലിമ" എന്ന കഥാപാത്രം നിഷ സാരംഗിനെ കുടുംബപ്രേക്ഷകർക്കിടയിൽ പ്രിയങ്കരിയാക്കി. 2017-ലെ മികച്ച കോമഡി ആക്ടർക്കുള്ള സംസ്ഥാന ടെലിവിഷൻ അവാർഡ് നിഷ സാരംഗിനായിരുന്നു ലഭിച്ചത്. നിരവധി ടെലിവിഷൻഷോകളും, ഓൺലൈൻഷോകളും നിഷ സാരംഗ് ചെയ്തിട്ടുണ്ട്.

അവാർഡുകൾ - 

Flowers Comedy Awards 2016 – Best Star Pair.
Mangalam TV awards 2017– Best comedian Female
Kerala State television awards 2017 –

Best Comedian (Special Jury)[5]

Adoor Bhasi memorial awards 2017

Most popular actress

North American Film Awards

Best actress (Television)