കെ പി എ സി ലീല

KPAC Leela

1956 ൽ പി ജെ ആന്റണിയുടെ "മുന്തിരിച്ചാറിൽ കുറെ കണ്ണുനീർ" എന്ന നാടകത്തിലൂടെ അഭിനയരംഗത്ത് പ്രവേശിച്ചു.മുടിയനായ പുത്രൻ എന്ന നാടകത്തിലൂടെ കെ പി എ സി യിൽ അംഗമായി. പുതിയ ആകാശം പുതിയ ഭൂമി,അശ്വമേധം, നിങ്ങളെന്നെ കമ്മ്യുണിസ്റ്റാക്കി, മൂലധനം, ശരശയ്യ, യുദ്ധകാണ്ഡം, കൂട്ടുകുടുംബം, തുലാഭാരം, ജീവിതം അവസാനിക്കുന്നില്ല എന്നീ നാടകങ്ങളിൽ അഭിനയിച്ചു. കൂട്ടുകുടുംബത്തിലെ ശ്യാമളയും തുലാഭാരത്തിലെ വിജയയും ലീലയുടെ അഭിനയജീവിതത്തിലെ അവിസ്മരണീയ പ്രകടനമായിരുന്നു. 

പുതിയ ആകാശം പുതിയ ഭൂമി(1962), മുടിയനായ പുത്രൻ(1961), അമ്മയെ കാണാൻ(1963), അദ്ധ്യാപിക(1968), രൗദ്രം(2018) എന്നീ ചിത്രങ്ങളിൽ അഭിനയിച്ചു. രൗദ്രത്തിലെ അഭിനയത്തിന് പ്രത്യേക പരാമർശം ലഭിച്ചു.